थाइल्याण्ड । नेपालमा मात्रै होइन, थाइल्यान्डको राजधानी बैंककमा पनि महाशिवरात्रि पर्वको रौनक बढेको छ । बैंककस्थित त्रिनाथ मन्दिरमा भगवान शिवको पुजा गर्न नेपाली भाषीहरुको भिड बढिरहेको छ ।
मन्दिरमा पुजा गर्न थाइल्यान्डका लागि नेपाली राजदुत धनबहादुर ओलीसहित दुतावासको जम्बो टोली बिहानमात्रै त्रिनाथ मन्दिरमा दर्शन गर्न आएका थिए । राजदुत ओलीको परिवारसहित नेपाली राजदुतावासमा कार्यरत सम्पुर्ण कर्मचारीहरुले मन्दिरमा भगवान शिवको पुजा गरेका थिए ।
मन्दिरमा भेटिएका राजदुत ओलीले संसारभर छरिएका नेपाली र नेपाली भाषीहरुलाई आफ्नो मौलिक संस्कृति र पर्वले जोडिरहेको बताए । ‘हाम्रो संस्कृति र पर्वहरु एकताको सुत्रधार हुन्,’ ओलीले थाइल्याण्ड नेपालसँग् भने, ‘नेपालीहरु जहाँ रहेपनि, जस्तो अवस्थामा रहेपनि यिनै पर्वहरु जोडिरहेका छन् । ’
राजदुत ओलीले थाइल्याण्डको बैंककमा रहेका नेपाली भाषीहरुमा महाशिवरात्रि पर्वको अवसरमा शुभकामनासमेत व्यक्त गरेका छन् । बैंककको त्रिनाथ मन्दिरमा बिहानैदेखि भक्तजनको घुइँचो लागेको छ । मन्दिरमा थप रौनक भने बेलुकी ८ बजेदेखि राती १२ बजेसम्म हुने छ । भक्तजन र पुजाकालागि व्यवस्थापन त्रिनाथ थाइ—नेपाल समाजले गरिरहेको छ । आज विश्वभरि रहेका नेपाली हिन्दुहरुले शिवको आरधानागरि महाशिवरात्रि पर्व मनाउँदैछन् ।
शिवजीलाई दूध, धतुरो तथा बेलपत्र चढाउने गरिन्छ । यस दिन व्रत बसेर रातभर जाग्राम रहेमा मनोकामना पूरा हुने विश्वास जनमानसमा छ । आजको दिन भगवान महादेवलाई जाडो हुने भएकाले घरघरमा गई दाउरा मागेर धुनी जगाउने प्रचलन समेत छ ।
संवाददाता
- लोकेन्द्र ओली
- लोकेन्द्र ओली
- लोकेन्द्र ओली
- लोकेन्द्र ओली
