काठमाडौं । भिसा नआएपछि नेपाली टोलीको इंग्ल्यान्ड भ्रमणमा ढिलाइ हुने भएको छ । आज विहान ९ बजेका लागि नेपाली टिमको टिकट तय गरिएको भए पनि खेलाडी त्यसतर्फ जान पाएका छैनन् ।
हिजो नेपालका लागि इंग्ल्यान्डका राजदूतले नेपाली टिमको विदाइ गरेका थिए । तर, भिसा नआएका कारण एन्फाले खेलाडी पठाउन पाएको छैन । भिसा समस्या भएपछि दुई समय गरेर खेलाडी पठाउने सुरुआति तालिका थियो। तर, सबै खेलाडीको पासपोर्ट ढिलो प्राप्त भएका कारण भिसा एप्लाई गर्न नै ढिलाइ भएको थियो । जसका कारण खेलाडीको भिसा आउन समय लागेको जनाइएको छ ।
एन्फाका प्रवत्ता सुरेश शाहले नेपाली टिमको ट्रान्जिट दोहा र यूएई फरक–फरक परेका कारण विहानको टिकट रातिलाई सारेर टिमलाई सँगै लैजाने बताएका छन् । ३५ सदस्यको नेपाली टिमलाई एन्फाले हिजो विदाइ गरेको थियो । नेपाली टिमले यही वैसाख २४ गते एल्डरसट टाउन फुटबल क्लबसँग मैत्रीपूर्ण खेल खेल्ने तालिका छ ।
