सुर्खेत । नेपालगन्जबाट जाजरकोटको लिस्सा जाँदै गरेको बस सुर्खेतमा दुर्घटना हुँदा ११ जना घाईते भएका छन् । ना ४ ख ९३१७ नम्बरको यात्रुबहाक बस आज बिहान ३ बजेतिर दुर्घटनामा परेको हो ।बस अनियन्त्रित भई सडकको बाँया किनारामा पल्टिएको प्रहरीले जनाएको छ ।
घाइतेमध्ये चार जनाको अवस्था गम्भीर रहेको छ ।बसमा १९ जना यात्रु सवार थिए । बस चालक रुकुम पश्चिम आठबिसकोट नगरपालिका–१४, बस्ने २४ वर्षीय प्रकाश मल्ललाई प्रहरीले नियन्त्रणमा लिएको छ ।
घाइतेहरूको विवरण-
जिल्ला जाजरकोट बारेकोट गा.पा.१ बस्ने वर्ष ६५ कि कलि नेपाली,रुकुम पश्चिम चौरजहारी न.पा.१ बस्ने वर्ष ४८ को विजय गोसाईं, वर्ष ४८ कि खुमा कुमारी गोसाईं, जाजरकोट भेरी नपा १ बस्ने वर्ष १५ कि गृष्मा राना, दैलेख चामुण्डामा ग.पा.२ बस्ने वर्ष २३ गणेश थापा, जाजरकोट छेडागाड न.पा. १३ बस्ने वर्ष १७ कि लक्ष्मी सिंह,वर्ष २० को गोविन्द सिंह, बाँके कोहलपुर न.पा.२ बस्ने वर्ष ४२ को लाल बहादुर सिंह, जाजरकोट नलगाड न.पा. ५ बस्ने वर्ष ५२ को भीम बहादुर सिंह, डोल्पा त्रिपुरा सुन्दरी गा.पा. ४ बस्ने वर्ष २१ कि रनिता परियार, रुकुम पश्चिम चौरजहारी न.पा. १ बस्ने वर्ष ३० कि केतना नेपाली घाईते हुनुभएको छ ।
